Mekaniker til Angallatinut Biler i Ilulissat - Disko Line A/S
Angallatinut biilinulle Ilulissani mekanikerissarsiorpugut
Ataavartumik aasaaneraniluunniit atorfik
Mekanikeriuit angallatiut biilinullu misilittagalik? Taava immaqa illiuvoq ujartugarput!
Suliffik pillugu
Disko Line A/S-imi 2023-imi sullivimmik nutaaliaalluinnartumik Ilulissani pilersitsivugut. Tassani angalatitseqatigiiffiup angallaterpassui, Targat inunnik 12-nik ilaasoqarsinnaasuniit umiarsuaaqqanut 113-it tikillugit ilaasoqarsinnaasunik sullissisarluta, taassumallu saniatigut biilit busseeqqallu aamma suliarisarlutigit.
Mekanikerimik pikkorilluinnartumik suleqatissatut pissarsiorpugut. Ataavartumik, ukioq naallugu atorfiusinnaavoq, imaluunniit septembarip naanissaata tungaanut taamaallaat periarfissaqaruit aamma suleqatigilluarsinnaallutigit.
Ujartugarput:
- Angallatinut misilittagaqarluartoq, pingaarnertut Volvo Penta, kiisalu Vodia diagnoseværktøj-imik misilittagaqarluartoq
- Assigiinngiiaanik suliaqarusussusilik, suliassallu assigiinngitsut pillugit ilikkarusussusilik
- Aasaanerani ulapaarfimmi, ukiuuneranilu eqqissisimanerusumik sulisinnaanermut ammasoq
- Suleqatikkuminartoq, nammineerlunilu suliaqarluarsinnaasoq
- Kalaallisut kiisalu/imaluunniit qallunaatut oqaaseqartoq (ulluinnarni oqaatsit taakku arlaat atorneqartarput)
Neqeroorutigisinnaasagut:
- Atorfik tunniusimasunik, pikkorilluinnartunillu suleqatissaqarfiusoq, suliffimmi nuannersumi
- Sullivik nutaaliaasoq
- Suliffimmi ulluinnaat assigiinngiiaartut, suliassallu pissanganartut
- Ilulissani najugaqanngikkaanni najugaqarfimmiit siumut utimullu angalaneq
- Ineqarnissamut ikiorneqarnissamut periarfissaq
- Aningaasarsiat orniginartut
Qinnuteqaat:
Qinnuteqaatit suliffigisimasallu allattorsimaffii nittartakkakkut qinnuteqarfissaq aqqutigalugu nassiuguk.
Atorfik piaartumik inuttassarserusupparput, taamaattumik ingerlaavartumik qinnuteqartunik oqaloqatiginnittassaagut.
Atorfik pillugu apeqqutissaqarpit?
Taava Peter Sørensen e-mailikkut christophercowanpetersqmitchell@stanley.dkgolden.dkdiskoline.glwyatt.dk imaluunniit oqarasuaatikkut +299 58 91 91 attavigisinnaavat.